ايه اللي وراء الصورة - الراي المصرية

بتاريخ :الأربعاء 12 فبراير 2020

الناشر :رمضان   عدد المشاهدات : 24 مشاهدات

كتبت /عزة ابوالسعود عبد الله

مش كل اللي تشوفه يبقي حقيقة
كثير مننا بنحاول نعيش حياة مختلفه علي الفيس بوك عكس الواقع اللي عايشينه بنهرب من حياتنا وواقعنا والحقيقة أصبح الواقع مريرا فالبتالي السوشيال ميديا أصبحت هي المنفس الحقيقي لنا الذي نعيش فيه لانه الوسيلة الأكثر انتشارا للأخبار في ادق تفاصيل حياتنا اليومية لا يوجد خصوصية لشئ وبيتدي كله ينشر أخباره والتعليقات تزيد ومحدش عارف ايه المستخبي وراء الصورة ممكن نكون مخنوقين جدا ونزل صورة مليئة الإبتسامة والبهجة ومحدش عارف انت بتعاني من ايه

كلنا بلا شك بنشوف الصورة اللي بره الشكل الخارجي البرواز بس لاندري كم يعانون تلك الأشخاص من حياه مؤلمه لكن بنداري تحت مسمي المظاهر بل انها مظاهر خداعة بنداري فيها آلمنا وخوفنا ووجعنا من أشياء كثرة ساكنه جوانا

وعن كم ال(fake )إللي علي السوشيال ميديا
اننا ننزل صور جميله كلها سعادة وشكلها حلو أو صور خروجه أصلا سخيفه أو أجازه كلها أحداث مش لطيفه واحساسها مش حقيقي والكل ينظر لنا نظرة حاقدة او حاسدة سواء بقصد او بدون قصد

ومحدش عارف إللي ورا الصور إيه ؟!

والناس دي حياتها عامله إزاي و فيها إيه والحقيقه إن السوشيال ميديا دي عامله زي المثل إللي بيقول من (برة هالله هالله) و من جوة يعلم الله تخيلوا لو ال trend استخدمنا من أول ما نصحي ننزل صور حقيقة فيها إحساس حقيقي . شكل حقيقي واقعي ال timeline هيبقي عامل ازااااااي ؟!! ?‍

بصوا في المرايه هتتخيلوا ال timeline متتخدعوش آوي بحلاوة الصور علشان مليانه فلاتر من جوة من برة علشان تطلع حلوه آوي كده

وفي الواقع هو سلاح ذو حدين ممكن يكون نافع ومفيد وممكن يكون مضر وبيتحدد ع حسب استخدامنا ليه.
وفي النهاية القرار قرارك.

 

© 2017,جميع الحقوق محفوظة لدى شركة الاثير تك