انا مش معوق .......| الراى المصرية الدولية

بتاريخ :الخميس 07 فبراير 2019

الناشر :راتب   عدد المشاهدات : 43 مشاهدات


كتبها / محمود جنيدى 
أنا مش معوّق ..
ولا عمرى كنت معوق ..
وأرفض المسمّيين كلاّ وجزءا ..
وأرفضهم برضه شكلا وموضوعا ..
أنا من إصابتى لست موجوعا ..
ولا مفجوعا ..
واللى بدع اللفظ ده هو المعوق ..
وهو المعوّق ..
وهو اللى عاجز ووصفنى أنا بالعجز ..
مع إنى مش عاجز ..
أنا سوى زيكم وأكتر منكم ..
عندى إرادة وعزيمة ..
وماقلّش طموحا عنكم ..
والله وطموحى أكتر كتير منكم ..
بس انتوا غيروا نظرتكم ..
واما تشوفونى ،
متقعدوش تمصمصوا شفايفكم ..
أنا أقوى منكم ..
عندى إرادة وعزيمة يفلّوا الحديد ..
وإصرار على المقاومة كل يوم بيزيد ..
وبفضل ربى باقدر اعمل ما أريد ..
يعنى اقدر اعمل اللى متقدروش عليه ..
برجل واحد بقيت بطل العالم فى السباحة ..
وبإيد واحدة رميت الجلة ..
ومصارع ..
وخطاط من غير دراعين .!!.
أنا راضى بعطاء ربى ..
ومش حاسس بعلة ..
دخلت بستان الحياة ..
قطفت منه مليون فلة ..
كتبت بيهم " أنا مش معوّق " ..

 

© 2017,جميع الحقوق محفوظة لدى شركة الاثير تك